Претседателот на ПСЖ ризикува затворска казна

Швајцарското обвинителство побара затворска казна од 28 месеци за претседателот на Пари Сен Жермен, Насер Ал Калаифи.

Првиот човек на популарните „светци“  заедно со Жером Валке, поранешниот генерален секретар на ФИФА, е обвинет за корупција.

Ал Калаифи кој е сопственик на катарскиот канал – „beIN Sports“ е осомничен дека го подмитил Валке за да ги добие правата за пренос на Светското првенство и Купот на Конфедерациите.