Пропаѓа трансферот на Фабињо во Саудиска Арабија?

Бразилецот Фабињо требаше да се пресели од Ливерпул во Ал-Итихад за 45 милиони евра.

Јирген Клоп се согласи да го пушти играчот од средниот ред бидејќи претходно ги донесе Алексис Мак Алистер и Доминик Шобослаи. Сепак, трансферот на Фабињо може да пропадне поради неговите кучиња. Имено, Фабињо сака таму да ги однесе своите два француски булдога, а Саудијците овие кучиња ги сметаат за опасни и агресивни и затоа се забранети во својата земја.

Исто така, во Саудиска Арабија не се дозволени питбули и ротвајлери, така што Фабињо не смее да ги носи своите миленици во Саудиска Арабија.

Токму тоа може да го расипе неговиот богат трансфер на Блискиот Исток.

Фабињо пристигна во Ливерпул од Монако во летото 2018 година за 45 милиони евра и беше еден од најважните играчи на Клоп во последните сезони. За Бразил одигра 29 натпревари.