ПСЖ бара од Мбапе 150 милиони евра за заминување од клубот

Раководството на Пари Сен Жермен очекува напаѓачот Килијан Мбапе да му плати на клубот дел од бонусот за потпис при преселбата во Реал Мадрид, пренесува „АС“.

Според изворот, оваа сума би можела да се движи од 100 до 150 милиони евра.Ова ќе помогне францускиот клуб да остане во добра финансиска состојба откако напаѓачот ќе замине бесплатно по крајот на договорот.

Да потсетиме, претходно беше објавено дека 25-годишниот Килијан Мбапе ги договара последните детали од договорот со Реал Мадрид. Договорот ќе стапи на сила на 1 јули 2024 година. Од Реал Мадрид сакаат да го комплетираат потписот на Мбапе во наредните недели, но неговиот трансфер ќе го објават дури по крајот на сезоната. Оваа сезона Мбапе учествуваше на 33 натпревари на сите турнири, на кои постигна 32 гола и седум асистенции.