Путељас и Дуплантис се најдобри спортисти во Европа

Фудбалерката од Шпанија, Алексија Путељас, и шведскиот скокач со стап, Арманд Дуплантис, се избрани за најдобри европски спортисти за 2022 година, според европското одделение на Меѓународното здружение на спортски новинари.

Путељас во изборот се пласира пред италијанската скијачка, Федерика Брињоне, и англиската фудбалерка, Бет Мид. 

23-годишниот Швеѓанец Дуплантис, наградата за најдобар спортист ја доби за прв пат во својата кариера, а најголеми конкуренти во изборот му беа напаѓачот на Реал Мадрид, Карим Бензема кој го освои второто место, а трет беше играч на ПСЖ, Килијан Мбапе.