Пјер Гисли купи акции од кошаркарски евролигаш

Францускиот возач во Формула 1 Пјер Гасли наводно станал малцински сопственик на францускиот евролигаш Асвел.

Според информациите, Асвел го финализирал влезот на нов малцински акционер во сопственичката структура на клубот, потег кој бил оценет како неопходен со цел финансиска стабилизација во сложениот период низ кој поминува клубот.

Новиот инвеститор, наводно се помала група на поединци, а најпознато име меѓу нив е токму Гасли, кој на овој начин влегува во кошаркарскиот спорт на сопственичко ниво.

Асвел оваа сезона се соочува со сериозни финансиски проблеми и веќе беше казнет од страна на Евролигата поради неисполнување на минималните барања поврзани со буџетот и потрошувачката.