Раководството на Манчестер Јунајтед одлучи – Тен Хаг ќе биде нов тренер на екипата

Некои од највлијателните спортски медиуми од Англија, пренесуваат дека Тренерот на Ајакс, Ерик тен Хаг, по завршувањето на сезоната ќе го преземе Манчестер Јунајтед.

Според пишувањата на медиумите, раководството на „црвените ѓаволи“ се одлучиле за ангажман на  холандскиот стручњак. Неговата кандидатура била одобрена од извршниот директор на клубот Ричард Арнолд и сопственикот Џоел Глејзер, кои веруваат дека Тен Хаг е вистинскиот избор за нов тренер на „црвените ѓаволи“.

На чело на Манчестер Јунајтед моментално е 63-годишниот Германец Ралф Рангник. Тој ја презеде функцијата на 3 декември 2021 година и беше назначен за привремен менаџер.По завршувањето на сезоната тој ќе заземе позиција во структурите на Манчестер Јунајтед.