Ракометната СЕХА лига објави прекин на натпреварувањето

Регионалната СЕХА лигата во ракомет, го прекинува натпреварувањето и нема да продолжи во наредниот период. 

Раководството на СЕХА претходно најавуваше дека натпреварувањето ќе продолжи според планираното, меѓутоа на последниот состанок на Извршниот комитет е решено лигата да биде прекината на неодредено време, и дека за сите дополнителни промени ќе има навремено известување.

Главен спонзор на лигата е руската компанија Газпром, а Македонија оваа сезона имаше два претставници во истата, Вардар 1961 и Еурофарм Пелистер.