Рамос конечно дебитира за ПСЖ против Манчестер Сити?

Француските медиуми пренесуваат дека дефанзивецот Серхио Рамос може да дебитира во дресот на Париз Сен Жермен. Тој е вклучен во тимот кој ќе патува на гостувањето против Манчестер Сити во рамките од групата А во Лигата на шампиони.

Ветеранот Рамос кој летово премина од Реал Мадрид во тимот од Париз, сеуште нема забележано ниту еден настап за својот нов клуб поради големиот број на повреди со кои се соочува. 

Натпреварот помеѓу овие два клуба ќе биде директен дуел за првото место во групата, во која Манчестер Сити е лидер со 9 бода а ПСЖ има освоено 8 бода.