Рамос на чекор до светски рекорд по настапи во националниот тим

Дефанзивецот на Реал Мадрид и Шпанија, Серхио Рамос е близу до постигнување на светски рекорд. На натпреварот против Грција, шпанскиот капитен беше на теренот како дел од националниот тим по 179-ти пат. Најмногу настапи за својата репрезентација има египетскиот играч за врска Ахмед Хасан, кој има пет натпревари повеќе од Рамос. На 179 натпревари Рамос има постигна 23 погодоци и според овој податок е осми во историјата на шпанската репрезентација и најдобар меѓу сегашните играчи. Во групата Б од квалификацискиот циклус СП 2022, репрезентацијата на Шпанија игра против Грција, Шведска, Косово и Грузија. На 28 март, Шпанците ќе на гостуваат кај Грузија, а на 31 март ќе бидат домаќини на Косово.