Рамос одби нов договор со ПСЖ

Серхио Рамос ја одбил понудата за нов договор од Пари Сен Жермен, пренесуваат медиумите во Франција. Шпанскиот дефанзивец има голема желба да продолжи да игра на високо ниво, но понудата на парижаните беше со значително намалени услови. С

портскиот директор Луис Кампос сака да ја преполови платата на дефанзивецот, додека значително се намалуваат и различните бонуси во новата понуда. Сите овие работи не му се допаднаа на дефанзивецот и неговите претставници.

37-годишниот дефанзивец му се приклучи на ПСЖ во летото 2021 година, а неговата прва сезона на „Паркот на принцовите“ не беше особено успешна. Сепак, Рамос веќе забележа 43 настапи и три гола оваа сезона за парижаните, кои можат да ја освојат титулата во Лига 1 овој викенд.