Рангник: Очекувам повеќе голови од Роналдо

Екипата на Манчестер Јунајтед продолжи да игра во стилот топло-ладно, и во моментот се наоѓа на позиција од табелата која не озбезбедува пласман во Лигата на шампиони за наредната сезона.

Тренерот на екипата Ралф Рангник очекува подобри изданија од неговиот тим во наредните натпревари, а посебно се надева дека ќе профункционира нападот на екипата.

Тренерот од Германија се обрати и до Кристијано Роналдо од кого очекува многу повеќе постигнати голови.

„Сакам максимален учинок во нападот од Роналдо. Очигледно е дека треба да ја подобри својата реализација во последно време. Факт е дека создаваме многу шанси, но не постигнуваме доволно голови. Тоа не е случај само со Роналдо туку и со останатите напаѓачи во екипата“, изјави Рангник.