Рафаел Леао е трансфер мета на Челзи и Манчестер Јунајтед

Фудбалерот на Милан и репрезентативец на Португалија, Рафаел Леао, веќе подолг период е на мета на повеќе клубови, а според најновите информации сериозен интерес за него сега покажуваат два премиерлигашки клубови.

Информациите од Островот велат дека Челзи и Манчестер Јунајтед сакаат потпис со Леао, и за таа цел веќе го контактирале раководството на Милан.

Леао со Милан има договор до јули 2024 година, а италијанскиот клуб ја одреди цената за негов евентуален трансфер и таа изнесува 100 милиони евра, и нема намера да го продаде фудбалерот за пониска цена.