Рахим Стерлинг сонува враќање во репрезентацијата

Крилниот фудбалер на Челзи, Рахим Стерлинг, изрази желба да
се врати во репрезентацијата на „Гордиот Албион“.
„Секако дека сакам да играм за Англија. За мене е радост да ги
гледам момците на теренот. Со нетрпение очекувам да се вратам
во тимот на Англија“, изјави Стерлинг, цитиран од Би-Би-Си.
29-годишниот фудбалер последен пат настапи за неговата земја
на Мундијалот во Катар во 2022 година. Тој има 82 натпревари за
англиската репрезентација на кои постигна 20 голови.