Рашфорд закажа операција по Европското првенство

Напаѓачот на Манчестер Јунајтед и Англија, Маркус Рашфорд планира да биде опериран по завршувањето на Европското првенство, а со тоа би можел да го пропушти почетокот на следната сезона 2021/22.

Рашфорд (23) има повреди на стапалото и рамото, но најверојатно ќе биде опериран само на ногата. И покрај здравствените проблеми, напаѓачот одигра 57 натпревари за Манчестер Јунајтед во последната сезона, во која постигна 21 гол и 15 асистенции.

На Евро 2020, кое започнува на 11 јуни, Англија е во група со светскиот вицешампион Хрватска, Шкотска и Чешка.