Рашфорд поради незадоволство го напушта Манчестер Јунајтед?

Познатиот фудбалски новинар, Фабрицио Романо, ја пренесува информацијата дека играчот на Манчестер Јунајтед, Маркус Рашфорд, размислува за напуштање на клубот.

Како главна причина за неговото евентуално заминување од „Олд Трафорд“ се споменува неговото незадоволство од минутажата во првиот тим предводен од тренерот Рангник.

Договорот на 24-годишниот англиски репрезентативец со Јунајтед истекува во летото 2023 година, а како заинтересирани клубови за негов ангажман се споменуваат шпанските гиганти Реал Мадрид и Барселона. Сепак пред да ја донесе конечната одлука, се очекува Рашфорд да причека и да види кој ќе биде нов тренер на „црвените ѓаволи“.