РБ Лајпциг го назначи Марко Розе за нов тренер на екипата

Германскиот фудбалски тренер, Марко Розе, е промовиран како нов тренер на бундеслигашот РБ Лајпциг.

Розе кој е роден во Лајпциг, на клупата ќе го замени Доменико Тедеско кој доби отказ после поразот на домашен терен од Шахтјор со 4:1 во првиот натпревар од групната фаза во Лигата на шампионите.

Марко Розе со РБ Лајпциг потпиша договор до 2024 година. Тој претходно беше тренер на Борусија Менхенгладбах и Борусија Дортмунд.