Реал Мадрид во обид за трансфер на Стерлинг

Претседателот на Реал Мадрид, Флорентино Перез, изрази големо разочарување од неуспехот со доведувањето на Мбапе, но клубот од „Сантијаго Бернабеу“ продолжува со потрагата по нови засилувања.

Според информациите од Англија, „кралскиот клуб“, тргнал по ангажман на Рахим Стерлинг од Манчестер Сити и за него се спремни да издвојат 50 милиони евра.

Англискиот репрезентативец влегува во последната година од договорот со Сити, и нема очигледни назнаки дека клубот ќе му предложи нов договор. Ова лето ќе биде последна шанса за клубот да добие заработка од Стерлинг, пред тој да стане слободен играч.