Реал Мадрид понудил 140 милиони евра за Белингем

Шпанските медиуми објавуваат дека фудбалскиот клуб Реал Мадрид ги засилува напорите за да го обезбеди потписот со еден од најдобрите млади фудбалери во светот, Џуд Белингем, кој настапува за Борусија Дортмунд.

Според објавите на весникот Спорт, “кралскиот клуб’, доставил официјална понуда за Англичанецот во висина од 140 милиони евра, од кои 100 милиони фиксно и 40 милиони во бонуси.

Веста за понудата уште не е потврдена од шпанскиот клуб, а нема објавени детали ниту од претставниците на играчот.

За Белингем постои огромен интерес и од англискиот фудбалски гигант Ливерпул.