Реал Мадрид се интересира за Бразилецот Додо

Спортските портали во Шпанија пренесуваат дека Реал Мадрид ќе започне преговори со дефанзивецот на Шахтјор Доњецк, Додо.

Според написите, мадридскиот клуб го смета 23-годишниот Бразилец како опција за засилување на десното крило на одбраната и потенцијална замена за Даниел Карвахал.

Се очекува Реал Мадрид да достави понуда за играчот во текот на летниот трансфер период.

Во сезоната 2021/22, Додо запиша 26 натпревари за Шахтјор со 4 асистенции. Вредноста на играчот се проценува на 20 милиони евра.