Реал Мадрид со доминантна победа од 4–1 против Олимпијакос

Реал Мадрид оствари убедлива победа од 4–1 над Олимпијакос, во меч што ќе остане запаметен по фантастичната партија на Килијан Мбапе. Французинот постигна четири гола, а хет-трикот го склопи со второто најбрзо темпо во историјата на Лигата на шампионите од 6 минути и 43 секунди, веднаш зад рекордот на Мохамед Салах од 6 минути и 12 секунди.

Мбапе уште еднаш ја потврди својата репутација како еден од најопасните напаѓачи во Европа. Со брзина и прецизност што гостите не успеаја да ја следат, практично сам ја реши средбата. Неговите погодоци го поставија Реал во ран удобен ритам и ја скршија секоја надеж на Олимпијакос за изненадување.

Дополнителна димензија на победата донесе Едуардо Камавинга, кој и покрај силен грип и потешкотии со дишењето одигра извонредни 45 минути. Во тој краток период беше меѓу најдобарите на теренот: најмногу успешни додавања, најмногу дуели добиени, најмногу интервенции, шест освоени топки и асистенција. Неговата пожртвуваност уште еднаш го потврди борбениот дух што го носи во овој тим.