Реал Мадрид ја следи ситуацијата со Канте

Медиумите во Шпанија пишуваат дека фудбалерот на Челзи, Н’Голо Канте е трансфер цел на Реал Мадрид ова лето. 31-годишниот играч за врска може да биде опција за засилување на средината на тимот од „Сантијаго Бернабеу“.

Реал сигурно ќе се вклучи по потписот на Канте, доколку не успее да го доведе 22-годишниот Чуамени од Монако.

Актуелниот договор на Канте со Челзи е до летото 2023 година, а за нов не може да се преговара додека клубот од Лондон не пронајде нов сопственик.

За францускиот фудбалер интерес покажува и тимот на Париз Сен Жермен.