Реал потврди: Иско по девет години заминува од Мадрид

Вчера стана јасно дека играчот од средниот ред Иско го напушта Реал Мадрид по завршувањето на сезоната. Договорот на 30-годишниот офанзивен играч за врска со Реал Мадрид истекува на 30 јуни и нема да биде обновен, а разделбата од фудбалерот ја потврди и тренерот Карло Анчелоти.

Во ммоментов останува отворено прашање каде Иско ќе ја продолжи кариерата. Овој играч дојде во реал Мадрид летото 2013 година по трансферот од Малага. Во своите девет години на „Сантијаго Бернабеу“, успеа да освои 18 трофеи – 4 титули во Лигата на шампионите, три титули во Ла Лига, 1 Куп на кралот, 3 шпански Суперкупа, 3 европски Суперкупа и 4 европски купови.

На крајот на месецот може да додаде уште еден – петти трофеј во Лигата на шампионите, доколку во финалето во Париз на 28 мај Реал Мадрид го победи Ливерпул. Тоа за Иско ќе биде 19-ти трофеј како играч на Реал Мадрид.