Реал по третпат ќе го враќа Зидан на клупата?

Реал Мадрид ја разгледува опцијата да го врати Зинедин Зидан на клупата.

Карло Анчелоти сигурно ја одработива последната сезона на клупата, па „кралскиот“ клуб е во потрага по тренер за следната сезона. Реал Мадрид според Алварез веќе контактирал со Зидан во кого гледа идеален човек кој би можел да го донесе Килијан Мбапе на „Сантијаго Бернабеу“.

Зидан имаше неколку понуди од европските гиганти, кои ги одби во изминатиот период, а откако се повлече од функцијата во Реал Мадрид во мај 2021 година, тој е без работа.

Доколку се врати, тоа за него ќе биде трет мандат на клупата на Реал, а претходно со „кралевите“ ја освои Лигата на шампиони три пати, како и Ла Лига, Суперкупот на Европа, Суперкупот на Шпанија и Светското клупско првенство.