Реал ја здроби Пачука и освои нова титула од Интерконтиненталниот Куп

Фудбалерите на Реал Мадрид по деветти пат станаа светски клупски шампиони откако во финалето на Интерконтиненталниот куп на ФИФА го совладаа мексикански Пачука со 3-0.

Ова е шести пат Мадрид да слави на Светското клупско првенство под покровителство на Светската фудбалска федерација (ФИФА), а претходно трипати го освојуваа Интерконтиненталниот куп.

Петнаесеткратниот европски првак поведе во Доха во 37. минута со голот на Килијан Мбапе, по асистенција на Винисиус Жуниор.

Мбапе потоа во 53. минута му асистираше на Родриго за 2-0. Конечниот резултат го постави Винисиус од пенал во 84. минута.

Реал е последниот светски клупски шампион во овој натпреварувачки формат, од следната година Мундијалот ќе се игра на секои четири години со 32 клуба.

Реал така ќе има шанса да го одбрани пехарот веќе од 14 јуни до 13 јули во Соединетите Американски Држави.