Рен остана без тренер, Стефан си поднесе оставка

Тренерот на француски Рен, Жулиан Стефан поднесе оставка. Рен моментално е деветти на табелата во Лига 1, а нема победа во последните 6 натпревари и е во серија од три последователни порази. Минатиот викенд, Рен загуби на домашен терен со 1:2 од Ница. Последната победа на тимот беше во јануари – 2:1 како гостин против Брест. Под водство на Жулиан Стефан, Рен се пласираше во Лигата на шампионите минатата сезона, а во 2019 година триумфираше во Купот на Франција. Стефан го презеде тимот во декември 2018 година.