Родриго сака да остане во Мадрид, одлуката префрлена кај Алонсо

Бразилскиот фудбалер на Реал Мадрид, Родриго, има намера да остане кај „белите“ иако се погласни се шпекулациите дека ќе мора да бара нова средина.

Тој во изминатата сезона одигра 30 средби со ефект од 6 голови и пет асистенции. Според непотврдени информации, за неговиот потпис фигурираат англиските состави Арсенал, Ливерпул и Тотенхем како и германскиот гигант, Баерн Минхен.

Според весникот „АС“ , Тотенхем може да испрати понуда за трансфер доколку „кралевите“ ја спуштат сумата под 90 милиони евра.