Родриго ќе биде замената за Салах во Ливерпул

Јирген Клоп ќе мора да го засили својот тим во зимскиот преоден рок со некој квалитетен фудбалер.

Според последните информации, Клоп има тешка мета – Родриго од Реал Мадрид. Бразилецот има договор со „кралевите“ до 2025 година. Според бритнаските медиуми, Ливерпул е спремен за Родриго на Реал да му исплати сума од 100 милиони евра.

Најавите се дека Родриго би го заменил Салах кој во овој преоден рок остана, но неговата приказна со Саудиска Арабија изгледа не е затворена.

Родриго во Реал Мадрид одигра 171 натпревар и постигна 38 голови, додека за репрезентацијата на Бразил на 16 натпревари постигна четири гола.