Роналдо по пауза од 20 години повторно ќе игра во Лига Европа

Екипата на Манчестер Јунајтед предводена од тренерот Ерик тен Хаг, оваа сезона ќе настапува во Лига Европа, па по тој повод беше објавен списокот од играчи кои ќе настапуваат на турнирот.

Во тимот е вклучен и еден од најдобрите светски фудбалери, Кристијано Роналдо, кој повторно ќе игра во Лигата на Европа после сезоната 2002/2003 кога во тогашниот Куп на Уефа настапуваше во дресот на Спортинг од Лисабон.

Клубот од Олд Трафорд во групната фаза од ова натпреварување ќе игра против Омонија, Реал Сосиедад и Шериф.