Роналдо ќе го скокне дуелот со Шведска, но ќе настапи против Словенија

Португалскиот напаѓач Кристијано Роналдо ќе го пропушти пријателскиот натпревар со Шведска, објави „ESPN“. Португалскиот селектор Роберто Мартинез ќе му даде малку одмор на 39-годишниот напаѓач.

Роналдо ќе му се приклучи на националниот тим во пресрет на натпреварот против Словенија.

Репрезентацијата на Португалија на 21 март ќе игра на домашен терен против Шведска, а на 26 март ќе се соочи со Словенија на гостински терен.

Во досегашната 21-годишна репрезентативна кариера Роналдо има одиграно 205 натпревари и постигнато 128 голови.