Руските екипи своите натпревари во Евролигата ќе ги играат на неутрален терен

18-те клубови членки на кошаркарската Евролига се обединија во мерките по руската инвазија на Украина. Челниците на екипите во најсилното европско клубско натпреварување решија да им ги одземат домаќинствата до крајот на сезоната на трите руски екипи – ЦСКА Москва, Зенит Санкт Петерсбург и УНИКС Казан. 

Натпреварите на овие екипи кои требаше да се одржат во Русија, во наредните недели ќе се играат на неутрален терен. 

Дополнително, одлучено е да се одложи и натпреварот помеѓу ЦСКА Москва и Барселона, кој требаше да се одигра оваа недела.