Руските клубови нема да играат во евро-куповите и следната сезона

Европската куќа на фудбалот, УЕФА, објави дека воведе мерка санкции за Фудбалскиот сојуз на Русија за следната сезона 2022-2023.

Репрезентацијата на Русија нема да учествува во Лигата на нации и ќе се смета дека го зазела последното место во Б лигата.

Клубовите нема да можат да играат во европските натпреварувања, а оваа одлука важи и за машките и за женските екипи. Исто така, под санкции се и сите младински селекции на Русија, како и футсал репрезентацијата.

УЕФА ја отфрли и кандидатурата на Русија за домаќин на Европското фудбалско првенство во 2028 и 2032 година.