Саинц победи во Мексико, Верстапен не заврши на подиумот

Карлос Саинц е победник на трката за Големата награда на Мексико, ова беше лоша трка за актуелниот шампион Макс Верстапен кој не се најде на подиумот.

Саинц стартуваше од пол позицијата и успеа да ја задржи првата позиција, да се израдува на победа. Место на пиедесталот имаше и за возачот на Мекларен, Ландо Норис како и за Шарл Леклер.

На четири трки до крајот прв е Верстапен со 362 бода, Ландо Норис е втор со 315, Леклер има 291.

На табелата за конструктори води Мекларен Мерцедес со 566 бодови, следува Ферари со 537, трет е Ред Бул со 512.