Салах руши рекорди, Египќанецот е прво име на сезоната во Премиер лигата

Големата ѕвезда на Ливерпул, Мохамед Салах ја продолжи својата неверојатна сезона бидејќи постигна гол и даде две асистенции во демолирањето на Вест Хем Јунајтед вчера со 5-0 во натпреварот од Премиер лигата.

Со тоа, Салах сега одигра осум натпревари оваа сезона на кои постигна гол и имаше најмалку една асистенција. Со тоа, Египќанецот стана првиот играч во историјата на Премиер лигата кој постигнал ваков подвиг во една сезона.

Ливерпул на Арне Слот е убедливо на врвот во лигата со 45 бода и е фаворит за освојување на титулата во лигата. Самиот Салах има 17 гола и 13 асистенции во Премиер лигата, а вкупно до овој момент има постигнато 20 гола и 17 асистенции во сите натпреварувања.