Себаљос се повреди, ќе паузира осум недели

Фудбалерот од средниот ред на Реал Мадрид, Дани Себаљос, се приклучи на листата повредени играчи на Кралскиот клуб. Себаљос, како што денес објави весникот АС, ќе отсуствува од теренот шест до осум недели, поради истегнување на скочниот зглоб на десната нога.

Себаљос се повреди на неделниот натпревар против Бетис (2-0) во Ла Лига, на кој беше стартер. Шпанецот беше заменет во 65. минута.

Тренерот на Реал, Карло Анчелоти, поради повреди не може да смета ниту на услугите на Џуд Белингем и Едуардо Камавинга.