Сексистички скандал го тресе норвешкиот великан! (фото)

Трикратниот норвешки првак Бран се најде во средината на скандал поради сексистичка порака испишана на маица која стои на ѕидот на просторија од која Вегард Форен даваше интервју за една ТВ станица.
„Женски фудбал, што е тоа? Ниту е фудбал, ниту е женствен.“ – е пораката која се виде за време на неговото јавување во видеоинтервјуто.
Снимката од тој разговор набрзо стана вирална, а со нејзиното споделување стигнаа и осудите. Се јави и норвешката репрезентативка Ингрид Рилан и вака го прокоментира случајот:
„Тоа сигурно беше некоја шега, но не е смешна. Нема извинување. Не можеш тоа да го ставиш на ѕидот во просторија на еден од најголемите фудбалски клубови во Норвешка.“
Веднаш потоа следеше извинување од клубот, а маицата беше симната од ѕидот.