Селта Виго заинтересирана за Енис Барди

Екипата на Селта Виго, е уште една екипа која изразила желба за доведување на македонскиот репрезентативец во дресот на Леванте, Енис Барди.

Според шпанските медиуми, од тимот на Селта планираат да ја искористат ситуацијата со истекот на договорот на Барди и Леванте, кој истекува за 9 месеци, и ќе испрати понуда за негов трансфер.

Има извесни информации дека Леванте за Енис Барди одредил цена од 5 милиони евра, а освен Селта за него се сериозно заинтересирани и екипите на Милан и Реал Сосиедад.

Барди наводно веќе побарал од челниците на Леванте тој да биде продаден до крајот на месецот.