Сергеј Милинковиќ-Савиќ се враќа во Серија А

Србинот Сергеј Милинковиќ-Савиќ минатото лето беше еден од најбараните играчи за врска во Европа, но тој реши кариерата да ја продолжи во Саудиска Арабија.

Милинковиќ-Савиќ, сепак, по една година помината во С. Арабија сака да се врати во Европа и да заигра во Серија А каде што претходно го носеше дресот на Лацио. Италијанските медиуми пишуваат дека српскиот интернационалец во јуни ќе потпише договор со Јувентус, кој го посакуваше уште минатото лето.