Симеоне: Барса е најдобриот тим во лигата

По ремито во големото градско дерби со Реал синоќа, тренерот на Атлетико, Диего Симеоне зборуваше за битката со Барселона околу шампионската титула оваа сезона.

„Барселона, сè уште тврдам, е најдобриот тим во Ла Лига оваа сезона. Напаѓаат одлично и имаат неверојатна брзина. Ако успеат да победат во Севиља, табелата ќе биде доволно тесна за новинарите малку да се забавуваат“, рече тренерот на Атлетико.

Во очекување на вечерашниот дуел во Севиља, Реал Мадрид води во Ла Лига со 50 бодови, Атлетико е втор со 49, а трета е Барса со 45 бода и натпревар помалку.