Симеоне: Боли овој пораз, требаше да го освоиме Купот на Кралот

Стратегот на Атлетико Мадрид, Диего Симеоне, не го криеше разочарувањето по поразот на неговиот тим во финалето на Кралскиот куп.

Реал Сосиедад дојде до трофејот по изведување пенали (4-3), откако по продолженијата резултатот беше 2-2. Херој на победата беше голманот Унаи Мареро, кој ги одбрани ударите на Александер Серлот и Хулијан Алварез.

„Мислам дека одигравме многу добро и дадовме апсолутно сè што имавме, но за жал, овојпат пеналите беа на нивна страна. Им честитам и немам многу повеќе да додадам“, изјави аргентинскиот стратег.

Тој потенцираше дека актуелниот пораз го боли повеќе од сите идни предизвици.

„Искрено, не размислувам за Арсенал. Овој резултат многу боли. Мораше да победиме, а не успеавме. Знаеме дека дадовме максимум, што ми дава одреден мир, но во овој клуб победите се неопходни“, порача Симеоне.