Сколари пак седна на тренерското столче во Гремио

Поранешниот селектор на бразилската фудбалска репрезентација, 72-годишниот Луиз Фелипе Сколари, кој ја освои титулата на Мундијалот во 2002 година, по четвртипат во кариерата ја презеде тренерската позиција во екипата на Гремио.

Сколари потпиша договор со Гремио до декември 2022 година, а неговата цел ќе биде да го задржи статусот во прва лига. Гремио започна многу лошо оваа сезона, по осум кола е на дното на табелата со само два освоени бода.

За време на претходниот престој на клупата на Гремио, Сколари освои една титула во Бразил, еден Куп и торфеј во Копа Либертадорес.