Сколс: Атмосферата во соблекувалната на Јунајтед не е добра

Манчестер Јунајтед можеби ја поправи сликата од ужасното издание против Ливерпул, но повторно беше поразен во дерби натпреварот против Арсенал.

Јунајтед загуби против Арсенал со 3-1, можеа „црвените ѓаволи“ да изедначат на 2-2, но не ги искористија шансите при 2-1 водство за домаќините. Пол Сколс е еден од критичарите на Рагник уште од моментот кога Германецот седна на клупата, а сега откри дека атмосферата во Јунајтед не била добра.

„Ќе ви откријам еден разговор од пред неколку дена. Разговарав со Лингард и се надевам дека нема да ми се налути што ќе го кажам ова. Ми порача дека атмосферата во соблекувалната е катастрофална“, изјави Сколс.