Спалети: Уморни сме, одморот добро ќе ни дојде

Фудбалерите на Наполи вчера доживеаја шокантен пораз од Специја на домашен терен а нивниот тренер, Лучијано Спалети, проценува дека екипата е истрошена и дека и треба одмор.

„Имавме неколку навистина лоши натпревари во последно време. Првин треба да се одмориме а потоа и да ги анализираме грешките.Предолго ја контролиравме средбата и не успеавме да направиме конкретна шанса“, вели Спалети.

Наполи по кратката пауза во Серија А, на 6 јануари го чека дербито на теренот на Јувентус.