Спортиело доаѓа во Милан, ќе добие шанса место повредениот Мањан

Мајк Мањан веќе три месеци е надвор од терените поради повреда и не се знае кога ќе се врати.

Прогнозите беа дека Французинот ќе се врати на почетокот на јануари, но рехабилитацијата може да продолжи уште најмалку еден месец. Поради тоа Милан мораше да реагира и италијанските медиуми пренесуваат дека договорил нов голман.

Станува збор за голманот на Аталанта, Марко Спортиело, кој треба да пристигне на „Сан Сиро“ во јануари.

Договорот на Спортиело со Аталанта завршува на крајот на сезоната, па Милан за него ќе плати симболична сума за да го доведе во јануари.