Спортскиот директор на Наполи доаѓа во Јуве

Наполи по 33 години сезонава го освои Скуетото во Италија, а сега Јувентус ќе се обиде да ги доведе творците на тимот од Неапол.

Според информациите од Италија, Јувентус ќе се обиде да го доведе спортскиот директор на Наполи, Кристијано Џунтоли и шефот на скаут службата Маурицио Микели. Со ова „старата дама“ би успеала да ги доведе клучните луѓе од еден од најголемите ривали надевајќи се дека со одличната работа ќе продолжат и во Торино.

Наполи изгуби неколку клучни фудбалери како Инсиње и Кулибали, меѓутоа тимот успеа да најде адекватни замени кои брзо се вклопија. Доведени беа Кварцхелија и Ким Мин-Јае, од претходно тука беа Осимен и Ангиса.

Италијанците шпекулираат и дека евентуално доаѓање на Џунтоли во Јувентус ќе значи и отказ за Алегри.