Србинот Давидовац прво засилување на Рајковиќ во ЦСКА

Македонскиот кошаркарски тренер Емил Рајковиќ го донесе првото засилување откако стана шеф на стручен штаб на московска ЦСКА. Станува збор за долгодишниот играч на Црвена Ѕвезда и повремен српски репрезентативец, Дејан Давидовац.

Давидовац одигра уште една одлична сезона, со Црвена звезда ја освои тројната круна, Купот Радивоје Корач, АБА лигата и кошаркарската лига на Србија.

Сега веќе спаѓа во групата на поискусни играчи, наполни 27 години, има богато искуство и завидна бројка на трофеи, вкупно десет.

Србинот ја напушти Црвена звезда со која договорот му истекуваше на последниот ден од јуни.

За услугите на Давидовац беше заинтересиран и Баерн Минхен, но откако рускиот тим му понуди 800.000 евра годишна плата на Србинот тој ја прифати понудата.