Србија е европски шампион во баскет 3х3

Машката репрезентација на Србија во баскет 3х3 ја одбрани титулата на Европското првенство кое се одржа во Грац Австрија, откако во финалето ја совлада Латвија со резултат 21:14.

Третото место на шампионатот го освои Холандија, која со 21:10 беше подобра од Литванија.

За репрезентацијата на Србија која е и актуелен светски првак во баскет 3х3, ова е четврто злато во историјата на европските првенства. 

Златниот медал во женска конкуренција му припадна на Франција која во финалето беше подобра од Холандија 21:14.