Стадион во Сенегал ќе го носи името на Садио Мане

Новоизградениот стадион во сенегалскиот град Седиу ќе го носи името на напаѓачот на Ливерпул, Садио Мане. Веста ја соопшти градоначалникот на градот, кој е и министер за култура и комуникации на Сенегал.

Пред неколку дена Мане и неговите соиграчи од Сенегал ја освоија историската прва титула во Африканскиот куп на нации, а напаѓачот беше избран за најдобар играч на турнирот.

Покрај на фудбалскиот терен, Мане е често вклучен во добротворни настани во својата татковина, а во последните години помогна во изградбата на болница и училиште.

Токму поради оваа причина Сенегал одлучи да му оддаде почит на Мане со именување на стадион по него. Објектот треба да биде готов следната година.