Стефано Пиоли со критики за судењето против Интер

Тренерот на Милан, Стефано Пиоли го критикуваше судијата за поништениот гол во полуфиналето од Купот на Италија против Интер, каде Росонерите загубија со резултат 3:0 и испаднаа од натпреварувањето. 

При резултат 2:0 Бенасер постигна гол за Милан во 65. минута, но голот беше поништен по интервенцијата на ВАР поради интервенцијата на Калулу, кој според многумина немаше влијание на играта во моментот на голот.

„Поништениот гол? Погледнете ја реакцијата на голманот Хандановиќ. Тој не ни протестираше пред судијата. Кажете ми кој голман не би реагирал ако прими гол а противничкиот играч го спречува во одбраната. Играчите на Интер само тврдеа дека имало игра со рака која не ни постоеше “, изјави Пиоли.