Стефан Ашковски ќе игра за грчкиот клуб Ламиа

Македонскиот фудбалски репрезентативец реши својата кариера да ја продолжи во Грција, каде ќе настапува во дресот на прволигашот Ламиа.

Репрезентативниот бек минатата сезона настапуваше за екипата на Сепси од Романија, а во грчкиот тим пристигна како слободен фудбалер.

При официјалната промоција во новиот клуб, 30-годишниот Ашковски изјави дека е среќен што ќе игра за Ламиа и дека се надева на одлични резултати и постигнување на зацртаните цели со екипата.