Стивен Џерард го носи Кутуњо во Астон Вила

Екипата на Астон Вила започна преговори за ангажирање на играчот од средниот ред на Барселона, Филипе Кутињо.

Клубот предводен од Стивен Џерард, сака да го доведе Кутињо на позајмица во јануари и тој да остане во Астон Вила до завршетокот на сезоната.

Барселона има голема желба да се ослободи од 29-годишниот Бразилец, бидејќи на тој начин ќе ја забрза регистрацијата на новото засилување на екипата, Феран Торес, кој нема право на настап поради правилото за финансиски фер плеј.

Според информациите од Англија, ссвен Астон Вила, во трката за Кутињо би се вклучиле и Њукасл Јунајтед и Арсенал.